Eduardo Mendicutti é o novelista que mellor retratou a cultura gay en España desde a Transición. Este libro é unha homenaxe á súa figura e á súa obra. En 2023, ano no que o autor cumpriu 75 anos, unha das súas novelas máis emblemáticas, Los novios búlgaros, alcanzou xa tres décadas de traxectoria.

Un grupo de 18 escritores que medraron e se recoñeceron como autores gais grazas á obra de Mendicutti reúnese neste volume para agradecer o seu compromiso literario e social. A través de contos e ensaios que analizan e celebran as múltiples voces presentes na súa traxectoria narrativa, esta bandada de palomos cojos de distintas xeracións subliña o papel decisivo que desempeñou nas súas vidas e nos seus escritos o autor de Una mala noche la tiene cualquiera, Siete contra Georgia e El palomo cojo.

Sen Mendicutti, a narrativa gay en España non sería o que hoxe é. Sen Mendicutti, as persoas LGTBI en España dificilmente terían visto recoñecidos moitos dos dereitos dos que gozan na actualidade.