Andrea acaba de quedar sen traballo e enfrontase ao enésimo punto de inflexión da súa nova existencia. Ter descuidado a súa vida social durante anos non axuda demasiado, así que a idea de emprender unha viaxe sen destino por estrada parece que se converterá nun reencontro espiritual consigo mesma. Con todo, un tropezón fortuíto levaraa a lembrar os intensos anos de instituto, onde fixo amizades que parecían imperecedoiras. Que fora de Paula, a rapaza 10, de humor despiadado e arredor da cuxa figura xiraban todas as festas? E de Victoria, a súa arquiinimiga, a heroína dos que ían á contra corrente? De súpeto, Andrea terá unha idea tola: xuntalas a ambas e converter a súa viaxe nunha aventura de inesperadas consecuencias. Unha desas rapazas é a historia dunha viaxe a ningures que remata por se converter nunha transición vital para as protagonistas. Coñeceremos as súas inquietudes máis profundas a través do reflexo do cotián, das súas conversas e das páxinas dos seus diarios: confesións sobre a presión das expectativas do entorno, o medo á soidade ou a insatisfacción sentimental irán estreitando os seus vínculos ata descubrir a importancia da amizade á hora de atreverse a ser elas mesmas.