Disponible a partir do 4 de xuño de 2026

Dous homes coñécense nun chat buscando sexo. Un quere infectarse de VIH; o outro promete dalo. O que comeza como un encontro esporádico remata transformándose nunha relación de parella.

A novela traza unha historia na que o cotián deriva nunha rede de mentiras atravesada polo desexo e o medo á perda. As palabras do narrador constitúen un exercicio tardío de honestidade que tenta comprender o ocorrido e comprenderse a si mesmo, mentres se enfronta a experiencias universais como o duelo ou a culpa. O libro debuxa «a tinta negra» o retrato do amante, «esquecendo que existen nubes e días claros», nun diálogo constante entre arte, literatura, memoria e mala conciencia.

Con Te hice dios, Marcos Augusto asina un debut provocador que aborda sen concesións a pulsión erótica, a fraxilidade do corpo e a intimidade mediada por aplicacións, así como a confianza depositada na ciencia, o pensamento máxico e as ficcións sobre as que, ás veces, se sosteñen as relacións amorosas.

«Unha novela que nos mergulla nun mundo de impulsos radicais, entre o desexo carnal e o de morte, vertebrada por unha prosa na que Marcos Augusto aplica o ritmo e a aura da súa poesía cunha precisión psicolóxica e atmosférica admirable. Como se un novo Gil de Biedma descubrira que Grindr, a vida e a morte van os tres en serio, e que hai unha forma de elegancia que consiste en ensuciarse». – Nadal Suau