O arquivo fotográfico esquecido de Theresa Parker Babb publícase por primeira vez na historia e conversa con cinco escritoras actuais a través do relato curto.
Un arquivo fotográfico de finais do século XIX sorprendentemente esquecido. Nel, varias mulleres comen, beben e aman vestidas de corse, sombreiro e saia longa. Ás veces, levan traxe masculino ou viaxan en barca coas súas enaguas, posan no campo mentres van de picnic, fotografan as súas andainas ou os seus ritos, facendo da súa cotiánidade algo valioso. A súa autora, Theresa Parker Babb, é practicamente un misterio.
Querida Theresa recupera e publica por primeira vez estas fascinantes fotografías, tomadas entre 1898 e 1901. E faino acompañándoas de cinco textos de ficción escritos a partir delas. Querida Theresa non mira a fotografía como un documento histórico que nos fala da vida destas mulleres, senón como a manifestación da autoría dunha artista que hoxe dialoga con outras: Marta Jiménez Serrano, Sara Torres, Rosario Villajos, Pilar Bellver e Valeria Mata.
As escritoras levan a cabo un brillante exercicio de imaxinación enchendo os ocos perdidos da historia con diferentes relatos inéditos nos que falan de fotografía, de amores imposibles ou amores ocultos, de segredos familiares ou, en xeral, da cotiánidade no pobo de Camden (Maine) a finais do século XIX, onde suceden as fotografías de Theresa.
