Un volume colectivo que afonda na figura de Ocaña, un dos artistas máis admirados, libres e transgresores dos anos da Transición.
Que ten a figura de José Pérez Ocaña que, corenta anos despois da súa morte, segue a espertar admiración? Ocaña. O eterno brillo do Sol de Cantillana é un volume colectivo coordinado por Carlos Barea que trata de responder a esta pregunta a través dunha mirada multidisciplinar á vida e á obra dun dos artistas máis destacados da contracultura catalana de finais dos anos setenta e principios dos oitenta.
Co propósito de botar algo de luz sobre un personaxe do que moito se dixo pero pouco se escribiu, o libro reúne un gran elenco de autoras e autores que se encargaron de investigar o seu traballo e todo aquilo que rodeou a súa figura: desde o seu sexilio case forzado á súa obsesión polo imaxinario relixioso nas súas pinturas ou performances, pasando por unha análise do contexto artístico-cultural no que se desenvolveu.
Ademais de textos de persoas tan próximas a Ocaña como o director de cine Ventura Pons, o seu amigo íntimo Nazario ou unha entrevista ao seu irmán xemelgo, inclúense dous documentos inéditos: un relato biográfico asinado polo propio artista e unha carta de seu puño e letra que escribiu a Felipe de Paco.
Ocaña. O eterno brillo do Sol de Cantillana é, en definitiva, un libro que pretende desentrañar o misterio dun artista absolutamente libre que se marchou vestido de sol e cuxo resplandor chegou ata os nosos días.
Autores
Carlos Barea ('La Pasionaria de las mariquitas') · Ventura Pons ('Una película catalana hablada en andaluz') · Nazario ('Ocaña: chou, exhibicionismo y cachondeo') · Roberta Marrero ('Ocaña y la España perdida') · Luis Maura ('Irse para salvarse: Ocaña y el sexilio') · Ernesto Artillo ('Virgen de carne') · Joan Galo [MARINA] ('Ocaña y el instinto de la pluma') · Juan-Ramón Barbancho ('Una fórmula irrepetible. Cuadros, artefactos y performances') · Pedro G. Romero ('Ocaña: el ángel de la histeria') · Álex Ánder ('Entrevista a Jesús Pérez Ocaña')
