«A música é a lingua universal da humanidade.»
Henry Wadsworth Longfellow
Nunha fascinante historia, Música: A historia visual definitiva presenta as apaixonantes biografías dos compositores e intérpretes que conformaron estes sons e, con chamativas ilustracións e fotografías, descóbrenos os numerosos e marabillosos instrumentos que percudimos, fregamos, punteamos ou sopramos.
Ao longo da historia, a música evocou todo o espectro das emocións humanas, independentemente do país ou da cultura. Este libro de historia da música analiza esa experiencia universal desde unha perspectiva cronolóxica e global: desde os primeiros instrumentos musicais, elaborados con ósos e caracois, ata a sofisticación das guitarras eléctricas e os sintetizadores.
Dado que cada tema musical se presenta nunha concisa e atractiva dobre páxina, é fácil viaxar entre mundos musicais separados por continentes e séculos de distancia nun percorrido de uns poucos capítulos. E non son só as notas e os sons o que se examina, senón tamén as absorbentes historias que teñen detrás.
Moitas veces díxose que a música é unha lingua universal, e isto reflíctese no ámbito internacional deste libro. Sen limitarse aos grandes logros da música occidental, Música viaxa polo mundo para descubrir a antiga música de China, o frenético pop de Xapón, a música tribal das chairas africanas e os apaixonados ritmos das salas de baile sudamericanas.
Na antiga Grecia, Platón escribiu que a música «da alma ao universo, ás ás á mente, voo á imaxinación e vida a todas as cousas». Séculos despois, o gran compositor e director de orquestra Duke Ellington engadiu: «A música é a entidade máis antiga. O ámbito da música é inmenso e infinito. Que é a música para vostede? Como sería vostede sen a música?». Música: A historia visual definitiva responderá estas preguntas.
A música ao longo dos anos. Un viaxe cheo de sensacións
A narración histórica estuda as raíces de todos os xéneros musicais, desde os cantos medievais ata os ritmos modernos do blues, o jazz, o hip-hop e o pop, pasando pola grandeza do período da música clásica. Espectaculares galerías de imaxes amosan familias de instrumentos musicais de todo o mundo, así como a evolución de instrumentos clave como o piano e o violín, e páxinas especiais retratan figuras icónicas como Mozart, George Gershwin, Elvis Presley e David Bowie. Espléndida, absorbente e sumamente visual, esta é a historia definitiva de como a música deu forma ao mundo.
Música. A historia visual definitiva está formado por oito bloques que nos mergullan na evolución da música ao longo de séculos.
- Os inicios. 60 000 A.C.-500 A.C
- A música Medieval. 500-1400
- Renacemento e Reforma. 1400-1600
- O espírito Barroco. 1600-1750
- O período Clásico. 1750-1820
- Nacionalismo e Romanticismo. 1820-1910
- A música moderna. 1910-1945
- Música Global. 1945-presente
Música. A historia visual definitiva pertence á nosa sección de libros de historia de gran formato. Esta sección está deseñada para deleitar a toda a familia e ao público adulto e nela atoparás grandes libros de referencia que converten esta colección nunha das máis variadas e extensas do noso catálogo.
