Ramón Martínez fai un repaso ás historias LGTB da Historia.

Por que as lesbianas, gais, bisexuais e trans nunca aparecen nos libros de Historia? Explicáronnos na clase unha e outra vez os enredos amorosos de grandes autores e personaxes históricos, pero só cando eran heterosexuais. Ninguén nos contou nunca que tamén existiron centos de persoas LGTB que, en moitas ocasións, lograron amar e expresarse con certa liberdade e deixaron testemuño das súas experiencias. Coñecemos as intimidades dos Reis Católicos, pero sabemos pouco sobre o amante do pai de Isabel a Católica. Estudamos os nomes de todas as mulleres de Lope de Vega, pero nunca nos explicaron todos os romances que viviu Federico García Lorca. Temos dereito a coñecer todas as historias que seguen agochadas detrás da Historia oficial.

En 2018 Ramón Martínez comezou a publicar en Twitter unha serie de «fíos» nos que ía desgranando as aventuras vitais e amorosas de todos aqueles #MariconesDeAntaño. Este libro recolle todas esas narracións e engade moitas máis, para recuperar a memoria histórica de lesbianas, gais, bisexuais e trans; para recuperar as historias de personaxes e autores LGTB que tamén forman parte da Historia.

«Sempre soubemos que a nosa historia estaba aí, fragmentada e agochada, pero aí ao fin e ao cabo, á espera de ser reconstruída. E ese é o agasallo que nos fai Maricones de Antaño: o agasallo dunha memoria que nunca chegamos a herdar. [...] Grazas, Ramón, pola entrega e a paixón que sentes polo noso legado. Grazas pola paciencia, a dedicación e o talento cos que puxeches este libro nas nosas estanterías. E grazas por estar sempre, sempre disposto a seguir reconstruíndo». Do prólogo de Cristina Domenech (autora de Señoras que se empotraron hace mucho, 7ª edición en menos dun ano).