O xornalista e escritor Pablo-Ignacio de Dalmases ofrece nestas páxinas unha investigación que redefine a imaxe
tradicional, incluso icónica, que hoxe temos de Lorca. Este ensaio, centrado na súa identidade gay, abre un camiño revelador
na literatura biográfica, ofrecendo un retrato íntimo e audaz que nos guía pola faceta máis significativa —e descoñecida—
da intensa vida do poeta. Ademais, pon o acento nun aspecto ata agora pouco explorado: a evolución ideolóxica posterior
dos seus amantes, todos os cales —agás un, que permaneceu fiel á súa identidade socialista e republicana— acabaron,
en contraste co destino de Lorca, firmemente identificados co franquismo.
Cunha prosa elocuente, amena e documentada, Los novios de Federico preséntase como unha lectura clave non só
para a comunidade LGTB, hispanistas e amantes da literatura, senón tamén para quen se interesa pola xenaloxía cultural
do noso tempo. Cada páxina está imbuída de respecto e admiración cara a Lorca, adentrándose nas loitas, amores e pasiós dun
home de natureza complexa e afirmativa, non exenta de contradicións. Este libro non só celebra o seu xenio literario, senón que
tamén humaniza o poeta, amosando as múltiples aristas da súa psicoloxía e abrindo liñas de reflexión sobre a construción
da identidade gay na postmodernidade.
