Un viaxe polas novas voces gay/queer argentinas
O primeiro relato argentino de temática homosexual, publicado en 1959 por Carlos Correas, titulouse La narración de la historia e foi censurado por considerarse obsceno. Desde entón, moitos escritores continuaron narrando a historia dos homes que aman e desexan a outros varóns, a pesar dos silencios (auto)impostos.
A presente antoloxía reúne vintecatro relatos breves ―un por cada ano do que levamos do século XXI― co obxectivo de ofrecer un panorama amplo e diverso da literatura argentina gay/queer contemporánea. Múltiples voces, tanto consagradas como pouco coñecidas, recollen e levan a distintos terreos a mítica proclama de Néstor Perlongher: «Lo que queremos es que nos deseen».
Pero non se trata só de desexo sexual, senón tamén do anhelo de contar(nos), de seducir coa palabra, de descubrir outras posibilidades de vida grazas ao poder da linguaxe. Narrar (e ler) as nosas historias segue a ser unha forma de resistencia e de combate.
«Non queremos que nos toleren nin que nos comprendan: o que queremos é que nos desexen».
Néstor Perlongher
