A construción da identidade camp, pop e queer a través de 35 relatos e artigos.

Para saír a actuar esixo un camerino propio. Nel xorden os Danieles que habito. Nel destrúo, deconstrúo e creo. Nun camerino propio onde me miro no espello e sorrío, onde ás veces me espio de reollo cando choro e onde fixo a mirada nos retratos das miñas divindades.

Un camerino propio para seguir avanzando na procura da miña voz, da voz que conte as miñas inquedanzas e obsesións, as miñas buscas e achados, as miñas ocurrencias e contradicións. O meu, como reza o himno camp por excelencia, é "puro teatro". La Lupe desgrana nesta canción o léxico co que armamos as nosas fascinacións: escenario, dor, barato, drama, papel, febre, telón, falsidade, simulacro, actuación, corazón.