Camila comprende, desde moi cedo, que a identidade que o mundo lle asigna non coincide coa que ela sente como propia. Ao trasladarse a Córdoba (Arxentina) para estudar, a precariedade empúxaa a pasar noites no parque, onde atopa un grupo diverso de mulleres trans que conviven arredor da casa rosa da Tía Encarna. Alí tecen vínculos que permiten sosterse fronte á violencia policial, o estigma social e a inseguridade económica. Nese entorno, Camila escoita, narra e vai entrelazando a súa propia historia de tránsito cara á idade adulta.

Las malas é unha novela deslumbrante que converte a vida dun grupo de travestis nun territorio mítico, feroz e humano. Camila Sosa Villada constrúe un testemuño íntimo
e ao mesmo tempo cuestionador, que amplía o campo da narración sobre a identidade e a experiencia trans. Celebrada pola crítica e os lectores, premiada internacionalmente e traducida a numerosas linguas, Las malas consolidouse como un libro imprescindible da literatura latinoamericana contemporánea.

O linguaxe gráfico de Sonia Pulido —a súa paleta vibrante, os contrastes potentes, os corpos grandes e empoderados— amplifica o sentido crítico do texto, ao tempo que subliña a ternura da comunidade travesti. Os marcos cheos de símbolos —coche, beizos, ollos, lúas, armas, coitelos, rosarios, bágoas— funcionan case como un retablo trans, un altar profano onde conviven o perigo, o desexo, a relixiosidade popular e o humor.