Levarse mal coa nai é motivo de moita frustración, malestar e dor. Blanca Lacasa investiga por que esta tensión é tan común
A relación entre nais e fillas está marcada, con frecuencia sospeitosa, pola dificultade, o desencanto ou a dor. Nais e fillas semellamos estar condenadas a non entendernos. Por que subxace tanta tensión entre nós? Por que é tan común que este lazo sexa tan complexo e, nalgúns casos, tan prexudicial? De verdade somos todas tan iguais? Por que, con todo, a figura paterna adoita percibirse de xeito máis amable?
Se elas teñen que loitar co odioso cliché da mala nai, nós temos que facelo co da mala filla. Quizais chegou a hora de comezar a cuestionar canto hai de verdadeiro nisto e canto de ambiental. Igual xa é hora de deixar de sentirse fillas despiadadas, egoístas ou esquecidas. Fillas horribles.
Neste libro, a escritora e xornalista Blanca Lacasa trata de resolver o enigma que parece rodear este vínculo e faino falando con expertas, acudindo
a teóricas ou botando man da cultura popular, pero sobre todo, preguntando e escoitando mulleres para que conten as súas experiencias.
