As protagonistas deste libro comparten unha mesma condición: a extravagancia entendida non como unha pose frívola ou esnobe, senón como unha forma de estar no mundo. Creadoras inconformistas, nin quixeron nin puideron axustarse aos patróns ditados pola tradición. Cunha prosa amena e ben documentada, Victoria Combalía compón unha galería de figuras que, a miúdo sen propoñelo, abriron camiño: pioneiras de transgresións e dun uso da liberdade individual que hoxe a arte e a moda incorporaron como selo de identidade.
De Marina Abramović á Baronesa Dadá, pasando por Vivian Maier, Leonor Fini, Maruja Mallo, a marquesa Casati, Séraphine de Senlis, Tracey Emin ou Yayoi Kusama, todas comparten un sentido do excéntrico que desdibuixa as fronteiras entre o persoal e o creativo. Coa perspectiva do tempo, estes retratos revelan ata que punto os prexuízos que separaban “vícios privados” e “virtudes públicas” foron un obstáculo que elas souberon superar con audacia e compromiso.
