A historia da arte está de moda! Un libro para divertirnos aprendendo da man dunha das divulgadoras máis queridas das redes.
Unha historia da arte moi rápida é unha introdución clara, áxil e divertida á historia da arte. Carla Serrano, historiadora da arte e divulgadora cultural, guíanos polos principais movementos artísticos desde as pinturas rupestres ata a arte dixital, explicando o seu contexto, as súas claves e os seus artistas máis destacados.
Este libro desmonta mitos comúns e revela curiosidades sorprendentes, como o feito de que no Paleolítico xa existía a arte abstracta, ou que moitos artistas hoxe admirados foron rexeitados na súa época. Ademais, visibiliza pintoras e fotógrafas que a historia oficial esqueceu, ofrecendo unha mirada inclusiva e contemporánea.
Con un enfoque directo e ameno, Unha historia da arte moi rápida convértese cada capítulo nunha fiestra ás emocións, loitas e revolucións de cada etapa artística, facilitando a comprensión de estilos e conceptos para calquera lector ou lectora, tanto se se inicia na arte como se desexa afondar a súa mirada.
Un libro ideal para descubrir a arte de xeito lúdico e enriquecedor, e para comprender por que a arte é, ante todo, unha forma de vivir e de sentir.
Sobre Carla Serrano
Carla Serrano (@la.inercia) é historiadora da arte, divulgadora cultural e creadora de contidos especializada en historia da arte e cultura visual. Graduada en Historia da Arte pola Universidade de Santiago de Compostela, destaca pola súa capacidade para explicar de forma clara e atractiva os grandes movementos artísticos e achegalos a todo tipo de públicos.
Actualmente exerce como comunicadora e divulgadora nas súas redes sociais, onde reúne a miles de seguidores nunha comunidade activa que xera debates enriquecedores. Organizou charlas sobre arte urbano e creación artística, co obxectivo de dar a coñecer o traballo de artistas novos e propoñer miradas máis construtivas e menos polarizadas sobre a arte, o cine e a cultura contemporánea.
