Novela xuvenil LGTB sobre acoso escolar e primeiro amor

A Quique gústalle ler, a música e os rapaces, pero iso último é un segredo que ninguén pode saber. Xa é bastante soportar as burlas dos seus compañeiros de clase, ser o “raro”, cargar co alcume de “El Plumas” e sentir que ninguén o trata ben. Unha escapada a Tenerife cambiará para sempre a súa vida.

De que serve un corazón encerrado nunha urna de cristal? Este relato é un canto á diversidade que atrapa desde a primeira liña e amosa a beleza da amizade, o respecto e o primeiro amor. O debut literario de David Pallás Gozalo está cheo de plumas, xiros inesperados e ternura.

Biografía do autor

David Pallás Gozalo (Zaragoza, 1984) traballa como educador desde hai máis de trece anos e compaxina o seu labor profesional coas súas outras paixóns: a música (violín e piano), a ilustración, o teatro e a escritura. Leva anos realizando activismo LGTBIQ+ e impartindo charlas sobre acoso escolar e LGTBfobia en centros educativos e a través de redes sociais. Elaborou un dossier educativo para traballar estes temas na aula e en familia. É autor da novela gráfica de temática LGTBIQ+ Los Príncipes Morados e do guion da webserie Despedidas.