Unhas memorias que son puro lume.
Carla Antonelli, pioneira, referente e figura clave na historia LGTBIQ+ de España, narra neste libro unha vida atravesada pola loita, a dignidade e a paixón. Desde a súa infancia nun pequeno pobo de Tenerife, marcada pola fame, o abandono e a incomprensión, ata a súa histórica entrada na Asemblea de Madrid como a primeira deputada trans de España, La mujer volcán é un testemuño vibrante dunha existencia entregada ao activismo e á conquista de dereitos para todas.
Estas páxinas percorren os camiños da súa vida con crudeza e beleza: a fuga adolescente a Madrid en busca de liberdade, as noites de precariedade e espectáculo, os anos de militancia pola aprobación da Lei de Identidade de Xénero, o seu compromiso político feminista e a súa incansable defensa das persoas trans, sempre coa certeza de que ser unha mesma é un acto político e de amor.
Entre historias de fame e de amor, vitorias e sufrimentos, revelanse inimigos declarados e celebran amizades profundas. A súa voz é directa, tenra, irreverente e sabia, coa enerxía de quen arde por dentro para acender o mundo.
