O codiciado SUMO de Annie Leibovitz en edición ilimitada XXL presenta máis de 40 anos de traballo da recoñecida fotógrafa, desde reportaxes íntimos para a revista Rolling Stone na década de 1970, ata elegantes retratos para Vanity Fair e Vogue. Esta edición inclúe imaxes icónicas e fotos que nunca ou raramente se viran antes.
Cando Benedikt Taschen lle pediu a Annie Leibovitz, a fotógrafa de retratos máis importante en activo, que recompilase as súas imaxes nun libro de tamaño SUMO, o desafío intrigouna.
O proxecto tardou varios anos en desenvolverse. Finalmente, cando se publicou en 2014, o libro pesaba 26 kg.
Esta incrible colección agora está dispoñible nun formato XXL máis accesible.
O SUMO de Annie Leibovitz percorre a historia da cultura pop, desde a raíña Isabel II ata Richard Nixon, Laurie Anderson, Keith Haring e Lady Gaga.
En palabras de Leibovitz: “O que ao principio concebín como un proceso bastante sinxelo de imaxinar que fotografías se vían ben e funcionaban en gran formato, converteuse en algo máis. O libro é moi persoal, pero a narración apoiase na cultura popular. Non está ordenado cronoloxicamente e non é unha retrospectiva. Parece máis unha montaña rusa”.
Os fans de Leibovitz e dos moitos temas da cultura pop capturados nas súas fotografías, agora teñen a oportunidade de gozar desa mesma montaña rusa con esta edición ilimitada.
